Search

ايه هي الشبكة الطبية و فين اماكنها





الشبكة الطبية .... تقريبا هي السؤال الاول لكل عميل بيدخل التامين الطبي و منظومة الرعاية الصحية

ليه بتفرق ؟؟

لان المريض في العادة وقت الاصابة بيكون عايز يتحرك ناحية اقرب حاجة يقدر يوصلها بسرعة ... و هتديله خدمة كويسة ... و كمان ممكن تستقبله في الاوقات الحرجة في وسط الليل مثلا او في ايام العيد و الاجازات

عشان كده الشبكة الطبية لازم تاخد فكرة عنها قبل ما تدخل اي اتفاق في التامين الطبي


الشبكة الطبية بتختلف حسب كل عميل , لان كل عميل بيرتاح في اماكن غير التانية , و كل عقد ليه الاتفاق الخاص بيه


ايه اكبر المستشفيات اللي ممكن تكون موجودة في شبكات التامين الطبي :


اكبر المستشفيات اللي ممكن تكون موجودة في الشبكات الطبية هياكيد مستشفيات الدرجة الاولى ... زي مجموعة مستشفيات كلوبترا و مستشفيات دار الفؤاد و السلام الدولي , المستشفى الجوي , مستشفى العربي الدولي , مستشفى المركز الطبي العالمي .... و غيرها


بعد كده كل منطقة فيها مقدمين الخدمة المشهورين فيها


طيب ايه اخبار معامل التحاليل الطبية و مراكز الاشعة ؟


اذا قلنا مراكز التحاليل الطبية يبقى لازم هنتكلم عن معامل البرج و المختبر و الفا... و معامل التحاليل بجد كتير جدا

مراكز الاشعة اقل شوية بس لازم نتكلم عن الفا سكان , كايرو سكان , تكنو سكان ... و غيرهم


في النهاية الشبكات الطبية بتختلف من شركة لشركة لكن كل مقدمي الخدمة بيدخلو تحت التصنيف ده:

  • مستشفيات و مراكز طبية متخصصة

  • معامل تحاليل

  • مراكز اشعة

  • مراكز علاج طبيعي

  • عيادات خاصة

  • صيدليات

  • مراكز بصريات


و يفضل تسال اذا كانت الشركة هتسمح للمشترك انه يكشف في العيادات الخارجية الموجودة في المستشفيات ولا لا .. لان ده بيفرق كتيرجدا


لو حبيت تاخد ملف فيه اسم اكتر من 3500 مقدم خدمة طبية بعناوينهم و ارقام تليفوناتهم بعد اذنك حمل ملف الاكسيل ده و هتلاقي فيه كل البيانات دي ... و بالمناسبة ده ملف الشبكة الطبية اللي بنقدم فيها الخدمات الطبية لعملاءنا ؛)




الشبكة الطبية اوميجا كير24- 6- 2021
.xlsx
Download XLSX • 1.17MB



17 views0 comments

Recent Posts

See All