برامج ادارة الخدمات الطبية للشركات

الامراض و الاصابات الطبية امر لابد من حدوثه سواء عاجلا او اجلا 

و دايما بيجي فجأة .... بدون ترتيب 

من اول ادوار البرد العادية لحد الحوادث و الاصابات الكبيرة 

ايه المشكلة اللي بيواجهها المصاب او اللي حواليه ??

المشكلة الاولى هنروح فين ... مين ممكن يسعف الاصابة دي دلوقتي خصوصا لو كانت الاصابة حصلت في وقت صعب , الفجر مثلا او في العيد ... :(

المشكلة التانية لما ندخل المستشفى هنكون جاهزين بالكاش في وقتها ولا ممكن المستشفى تطلب مبلغ كبير تحت الحساب ممكن مايكونش متوفر معانا في وقتها  :(

المشكلة التالتة لما تطلع فاتورة المستشفى ... هي الفاتورة دي حقيقية ولا المستشفى بتنصب علينا و هل المريض كان مستاهل كل ده بجد ولا المستشفى بتستغل الموقف 

​

المشاكل دي كلنا هنواجهها اكيد سواء عاجلا او اجلا الاصابات الطبية بتحصل ولازم هتحصل 

​

موقف حصل مع احد العملاء خلال شهر سبتمبر الماضي

​

موظف اتصاب اصابة عمل ( جرح طولي في الذراع الايمن ) حوالي 15 سم 

شركة العميل بالتواصل مع ادارة الشبكة الطبية حولت العميل بسرعة للمستشفى  .... بعد ما دخل الطوارئ المستشفى طلبت 50,000 جنيه تحت الحساب عشان نوقف النزيف و نوصل الاوعية الدموية و الاعصاب  و المريض محتاج زراعة جزء من الجلد ( ده كده توصيف المستشفى للخدمة المطلوبة ) 

العميل تواصل مع الخط الساخن و اتحركت الادارة الطبية بسرعة 

العميل مادفعش اي مبالغ تحت الحساب في المستشفى و تم استقبال الحالة و عمل اللازم و المريض طلع بالسلامة الحمد لله 

السيناريو الطبيعي ان الادارة الطبية بتطلب تفصيل الفواتير الطبية و الاجراءات الطبية اللي المريض عملها لحد ماخرج بالسلامة 

الجميل ان بعد استقبال الفواتير اتضح ان العميل ماكانش محتاج توصيل للاعصاب ولا زرع جزء من الجلد و العميل فعلا ماعملش الحاجات دي 

في النهاية الفاتورة اللي وصلت لادارة العميل عشان يدفعها للمستشفى بعد المراجعة الطبية و المالية من خلال الادارات المتخصصة عندنا كانت بمبلغ 4980 جنيه مصري فقط من اصل فاتورة بقيمة 50,000 جنيه مصري كانت المستشفى طالباها من العميل لما كان في المستشفى 

​

ايه هي برامج الادارة الطبية 

​

برنامج ادارة الخدمة الطبية هي برامج مخصصة توفر للعميل كل الخدمات الادارية المطلوبة لتسهيل عمل الخدمات الطبية المطلوبة وقت الاصابة او المرض و بعد اجراء الخدمة الطبية بنقوم بمراجعة الفواتير الطبية المرسلة من المستشفى طبيا و ماليا و بعدها يتم تحويل الفواتير للعميل عشان يدفعها بصورة اجلة 

​

ايه الخدمات اللي بنقدمها للعميل في برامج ادارة الخدمة الطبية :

• خدمات الخط الساخن و خدمة العملاء لتوجيه العميل الى اقرب مقدم خدمة طبية مناسب حسب الاصابة و التدخل في اي صعوبات يواجهها المريض عند تلقي الخدمة 

• خدمات التواصل مع الادارة الطبية من خلال الخط الساخن للاستفسار عن اي خدمة طبية او مرض و توضيح الاجراءات الطبية اللازمة للشفاء

• خدمة الشبكة الطبية حيث يتمكن العميل من تلقي الخدمات الطبية في اكثر من 3600 مقدم خدمة طبية في جميع انحاء الجمهورية دون الاضطرار الى دفع اي مبالغ تحت الحساب عند الدخول 

• خدمة مراجعة الفوايتر الطبية طبيا و ماليا لتجنب استغلا مقدم الخدمة للمريض باي شكل 

• خدمات تقديم الادوية المزمنة و الحصول على راي الطبي الثاني و كذلك خدمات الاسنان و الحمل و الولادة و العلاج الطبيع و غيرها 

​

ايه مزايا برنامج ادارة الخدمات الطبية :

• يوفر البرنامج تقديم الخدمات الطبية المختلفة تحت اشراف اداري و طبي احترافي لتلقي الخدمة الطبية في اي وقت و اي مكان بدون قلق 

• يحمي العميل بشكل كبير من فرصة استغلاله او الاحتيال عليه من مقدمي الخدمة الطبية 

• يوفر للعميل احصائيات كاملة عن معدل الاصابات الطبية في شركته و التشخيصات و تفصيل كالم للخدمات الطبية التي تلقاها المشتركين خلال فترة التعاقد

• يقوم العميل بدفع المبالغ المالية الخاصة بالخدمة التي تلقاها المشتركون بصورة اجلة بعد تقديم الخدمة و مراجعة الفواتير الطبية الامر الذي يحميه بشكل كبير من التورط في اي مبالغ كبيرة مفاجئة و بدون دفع اي بالغ كبيرة في بداية التعاقد 

• و الاهم من كل ده ان العميل بيتحاسب على الخدمات الطبية باسعار التعاقد و بعد الخصم مش بالاسعار الرسمية للمستشفى ؛)

​

عيوب برنامج ادارة الخدمات الطبية :

• يعتبر العيب الاساسي لبرنامج الادارة الطبية هو ان العميل هو من يتحمل قيمة المخاطر الطبية و ليس شركة التامين و رغم ان شركة الادارة الطبية تقوم بمراجعة دقيقة و حاسمة للفواتير الطبية لمنع اي نوع من الاحتيال او الاستغلال في الفواتير الا ان العميل عليه في النهاية دفع التكاليف و التي قد تكون كبيرة في حالات الاصابات الكبرى بخلاف برامج الرعاية الطبية المتكاملة التي يتحمل فيها العميل مبلغ الاشتراك في اول السنة و تكون شركة الرعاية هي المسؤولة عن اي تعويضات طبية قد تحدث خلال السنة التامينية 

​

ايه هي تكاليف برنامج ادراة الخدمات الطبية 

تكاليف برنامج الادارة الطبية ممكن اختصاره في 3 بنود اساسية :

• ​تكلفة الاشتراك السنوي للفرد 

• قيمة المصاريف الادارية على الخدمات 

• مبلغ التامين المطلوب دفعه في بداية التعاقد ( يتم استرداد المبلغ في نهاية فترة الاتفاق بعد تسوية جميع الفواتير )