صباح الخير 

تعالى نتكلم في العرض الطبي شوية 

عشان نعمل عرض طبي بنحدد الاول عدد الموظفين اللي هيشتركو في العرض , كل مازاد العدد كان احسن لان السعر بيقل و بنقدر نفتح خدمات اكتر 

​

بعد تحديد العدد بتحدد اذا كنت هتغطي المشتركين تحت فئة واحدة ولا تحب تعمل فئة للمديرين و فئة تانية للعاملين ؟ ( يفضل انك ماتقسمش الشركة الا لو كان العدد اكتر من 40 فرد , اقل من كده مش بيبقى في فارق كبير في التكاليف )

​

بعد كده نبدأ تحديد الخدمات الطبية المطلوبة 

بشكل عام كل العروض بتغطي الخدمات الطبية داخل المستشفى ( طوارئ و عمليات حادة ) 

و برضه كلها بتغطي الخدمات الخاصة بالعيادات الخارجية ( كشف - تحاليل - اشعات - علاج طبيعي - صرف ادوية )

​

نيجي للخدمات الاضافية :

الخدمات الاضافية هي خدمات الاسنان - النظارات الطبية - الحمل و الولادة - و بعد كده اهم بند و هو بند الامراض السابقة عن التعاقد 

​

ايه هو بند الامراض السابقة عن التعاقد : 

الامراض السابقة عن التعاقد هو اكتر بند بيحصل فيه اختلاف بين العملاء و شركات التامين لانه دايما مش بيتوضح بالطريقة الصحيحة 

​

خلينا نوضحه بطريقة بسيطة :

​

لو اخدنا مثال اننا هنروح نامن على العربية بتاعتنا عند شركة تامين و كان الفانوس الامامي مكسور مثلا , شركة التامين هتامن على كل العربية ماعدا الفانوس اللي اصلا جاي مكسور لان خطر انه اتكسر حصل اصلا خلاص 

التامين الطبي نفس الكلام , التامين الطبي بيغطي الامراض اللي احتمال تحصل للعميل خلال فترة التعاقد لكن الامراض اللي حصلت فعلا مش بتدخل ضمن الخدمات الاساسية للتغطية الطبية ( بغض النظر اذا كان العميل يعرف انه مصاب او لا لان التعامل مع المرض بيكون حسب بدايته في جسم المريض مش حسب المريض عرف امتى )

لكن عشان العميل انسان مش الة و مش هينفع نسيبه تعبان او مريض بنعمل بند خاص يغطي الامراض اللي ليها تاريخ قديم في جسم المريض و بدأ قبل تاريخ التعاقد 

​

تمام بند الامراض السابقة عن التعاقد يشمل 3 اقسام :

الامراض السابقة عن التعاقد : هي الامراض اللي بدأت قبل تاريخ التعاقد بس لو اتعالجت خلاص هنخلص منها زي مثلا الفتء بجدار البطن لو المريض عمل العملية خلاص الفتء هيخلص 

 الامراض المزمنة : هي الامراض اللي بنتحكم فيها بالعلاج لكن المريض اذا وقف العلاج هيرجع المرض تاني زي الضغط و السكر ... و غيره

الامراض الحرجة : ده بند خاص بالعمليات المتقدمة و الكبرى زي عملات المخ و الاعصاب , عمليات القلب المفتوح و قساطر القلب , الفشل الكلوي و الكبدي , السرطانات بانواعها ... 

 

 

ايه رايك نعمل اول عرض طبي لسعادتك 

بعد اذنك حدد عدد المشتركين